കേരളത്തിലെ ഗ്രാമപ്രദേശങ്ങളിലെ കർഷകർക്ക് കാർഷിക സംബന്ധമായ സർക്കാർ സേവനങ്ങൾ നേരിട്ട് ലഭ്യമാക്കുന്നതിനായി പ്രവർത്തിക്കുന്ന പ്രധാന കാർഷിക സ്ഥാപനമാണ് കൃഷി ഭവൻ. ഇത് സംസ്ഥാന കാർഷിക വകുപ്പിന്റെ പ്രാദേശിക ഓഫീസ് ആയാണ് പ്രവർത്തിക്കുന്നത്. ഓരോ ഗ്രാമപഞ്ചായത്തിലും സാധാരണയായി ഒരു കൃഷി ഭവൻ ഉണ്ടാകും.

കർഷകർക്ക് സാങ്കേതിക സഹായം നൽകുക, കാർഷിക ഉൽപാദനം വർധിപ്പിക്കുക, പുതിയ കൃഷിരീതികളും സാങ്കേതിക വിദ്യകളും പ്രചരിപ്പിക്കുക, സർക്കാർ കാർഷിക പദ്ധതികൾ നടപ്പിലാക്കുക, ജൈവകൃഷിയും പരിസ്ഥിതി സൗഹൃദ കൃഷിയും പ്രോത്സാഹിപ്പിക്കുക എന്നിവയാണ് കൃഷി ഭവന്റെ പ്രധാന ലക്ഷ്യങ്ങൾ.

കൃഷി ഭവനുകൾ ഇന്ന് കർഷകർക്ക് സഹായം നൽകുന്ന ഒരു ഓഫീസ് മാത്രമല്ല, ഗ്രാമീണ കാർഷിക പുരോഗതിയുടെ മുഖ്യകേന്ദ്രമായും പ്രവർത്തിക്കുന്നു. കൊട്ടിയൂർ ഗ്രാമ പഞ്ചായത്തിലെ കൃഷി ഭവനിൽ നിന്ന് ലഭിക്കുന്ന സേവനങ്ങളെകുറിച്ചുള്ള അധിക വിവരങ്ങൾ പൗരാവകാശ രേഖയിൽ ലഭ്യമാണ്.